12月7日 的 Météo Boulaide 應用程式分析

Météo Boulaide gouf am Dezember 2010 gegrënnt an ass haut de féierende private Wiederdéngscht zu Lëtzebuerg. De 6. Juli 2014 war Météo Boulaide den éischte Wiederdéngscht, deen scho 9 Stonne am Viraus op dat zolidd Foire Agricole-Donnerwieder opmierksam gemaach huet. D'Autoritéiten haten eréischt gewarnt, wou de Stuerm schonn d'Groussregioun erreecht hat. Zanter 15 Joer ass Météo Boulaide mëttlerweil eng fiabel Quell fir Wiederinformatiounen an all Zort vu Warnunge ginn – an dréit esou zur Sécherheet vu Mënschen a Betriber uechtert d'Land bäi. Eis Prognose setze sech aus mënschlecher Interpretatioun vu ville verschiddene Wiedermodeller zesummen a baséiere net nëmmen op blannen, automatesche Berechnungen. Haut generéiert Météo Boulaide op alle Social-Media-Kanäl, der Websäit an och der App zesummen 2 bis 4 Milliounen Impressiounen de Mount an ënnersträicht domat seng Roll an der Gesellschaft. Eis Missioun ass kloer: präzis warnen, fir datt kee méi onvirebereet vu Wiedergeforen iwwerrascht gëtt. Dofir hu mir SkyWatch entwéckelt – e Warnsystem, wéi Lëtzebuerg e bis ewell nach net gesinn huet. E gouf am Joer 2024 mat Succès getest an erméiglecht hyperlokaliséiert Hiweiser a Warnungen. Doduerch, dass just déi Géigende bewarnt ginn, fir déi et wierklech néideg ass, wierke mir der Iwwerwarnung entgéint an hoffen doduerch, dass Wiederwarnungen am Generellen erëm méi eeschtgeholl ginn. Mat der neier Météo Boulaide-App ginn dës wichteg Warnungen elo quasi-live iwwer geolokaliséiert Push-Messagen direkt op de Smartphone geschéckt – genee dann, wann et wierklech drop ukënnt.