Formula AI 앱 분석 (10월 11일)

Formula — ozish va natijani saqlashga yordam beradigan, Doktor Feruz metodikasiga asoslangan ilova. Diyetani ko‘p marta boshlab, davom ettira olmagan bo‘lsangiz yoki ozgandan keyin vazn yana qaytgan bo‘lsa, gap faqat irodada emas. Formula qachon va nima sababdan ko‘proq yeb qo‘yayotganingizni tushunishga, odatlaringizni hayotingizga moslab o‘zgartirishga yordam beradi. Maqsad — yana bir qattiq diyetaga chidash emas, kundalik hayotda davom ettira oladigan ovqatlanish tartibini o‘rganish. • Darslar va kundalik vazifalar Video va audio darslar orqali ozish, ovqatlanish va odatlarni bosqichma-bosqich o‘rganasiz. Ochlik va shunchaki yegingiz kelishini farqlash, taomlarda me’yorni topish, rejadan chiqqandan keyin davom ettirish kabi vaziyatlarni ko‘rib chiqasiz. Amaliy vazifalar o‘rganganlaringizni hayotda qo‘llashga yordam beradi. • Savol tug‘ilganda — Ordinator «Kechqurun ko‘p yeb qo‘yyapman», «Shirinlikdan voz kechishim shartmi?», «Bugun rejadan chiqdim, endi nima qilaman?» — savollaringizni ilova ichidagi sun’iy intellekt yordamchisiga yozing. Ordinator ovqatlanish, darslar va odatlar haqida tushuntirish hamda amaliy yo‘l-yo‘riq beradi. • Ovqat kundaligi va AI kamera Nima va qancha yeganingizni qayd etib, kaloriya, oqsil, yog‘ va uglevod miqdorini kuzatasiz. Taomni suratga olib, uning taxminiy kaloriyasi va oziq moddalar miqdorini bilib olasiz. Bu raqamlar ovqatlanishingizni yaxshiroq tushunish uchun xizmat qiladi. • Vazn, qadam, suv va odatlar Kundalik qaydlaringiz bir joyda. Haftalik, oylik va yillik grafiklar orqali o‘zgarishlarni kuzatib borasiz. Ruxsatingiz bilan Apple Health’dagi qadamlar ma’lumoti Formula bilan sinxronlanadi. • O‘zbek tilida, o‘z hayotimizga mos Oilaviy dasturxon, mehmondorchilik, «yana oling» degan takliflar — Formula’da o‘zimizga tanish vaziyatlar hisobga olingan. Doktor Feruzning «Ongli ozish» dasturidagi yondashuv asosida qancha yeyishni bilish bilan birga, kundalik hayotda me’yorni qanday saqlashni ham o‘rganasiz. Bir kun rejadan chiqish hammasini tashlab qo‘yish uchun sabab bo‘lmasin. Keyingi qadamingizdan davom eting. Ilovadan foydalanish pullik. Tarif narxi, muddati va foydalanish shartlari xarid qilishdan oldin ko‘rsatiladi. Formula kattalar uchun ta’lim va sog‘lom turmush tarzini qo‘llab-quvvatlashga mo‘ljallangan. Ilova va Ordinator tashxis qo‘ymaydi, dori buyurmaydi va shifokor o‘rnini bosmaydi. Sog‘lig‘ingizga oid qarorlarni shifokor bilan maslahatlashib qabul qiling.