Миний бизнес аялалын тэмдэглэлээс Хятадад аялж явахдаа энэ нэгэн зүйлийн төхөөрөмжийг гэр орон сууцыг сэрүүцүүлэх зориулалттай юм байна даа гэж боддог байлаа. Гэтэл энэ маань хоёр талын ашигтай төхөөрөмж болохыг нэгэн хятад айлд зочилохдоо мэдсэн юм. Гэрийн эзний тайлбарласанаар: - Энэ төхөөрөмж нь халаалтын горим дээрээ ажиллахдаа цахилгаан халаагчаас 3-4 дахин эрчим хүчний хэрэглээ бага шаардах бөгөөд угсралтын зардал нь 20 дахин хямд гэж хэлэхэд миний шохоорхол буцлаад явчихлаа. Тэгээд - Дотроо сэнстэй энэ төхөөрөмж өвлийн цагт яаж гэр халаадаг байна аа? гэж асуухад, Гэрийн эзэн: - Хүйтэн агаарыг сорж аваад, гэрт дулаан агаар оруулаад зогсохгүй хэрэглээний халуун усыг халаадаг гэв. Энэ хариулт намайг гайхшруулсан юм. Ид шид нь юундаа байсан бэ? Энэ төхөөрөмж нь маш бага цахилгаан хэрэглэнэ. Гадна агаарыг сэнснийхээ тусламжтайгаар сорж аваад, түүнийг компрессороор дамжуулан нягтруулдаг гэнэ. Агаар нягтрах явцдаа их хэмжээний дулаан ялгаруулдаг физик үзэгдлийг л ашигласан маш энгийн санаа байсныг би үйлдвэр дээр нь ирээд ухаарсан юм. Энэ процесс нь өвлийн цагт явагдана. Харин зуны цагт нягтарсан халуун агаарыг задалж хөргөдөг нь ердөө л гэрийн хөргөгчний ажиллах зарчим байсан юм байна. Энгийнээр тайлбарлахад ийм л төхөөрөмж юм байна. Та Хятадад явж байхдаа байшингийн дэргэд байрлуулсан ийм төхөөрөмжийн хажуугаар өнгөрөхөд маш их халуун агаар үлээж байгааг мэдэрсэн байж магадгүй. Тэр бол хөргөлт явагдаж байгаагийн нэг илрэл юм. Харин өвлийн цагт түүнээс хүйтэн агаар үлээнэ. Тэр нь байшинд халаалт явагдаж байна гэсэн үг. Хэмнэлт харагдаж байсан уу? Хятад улсад хийсэн судалгаанаас үзэхэд энэхүү төхөөрөмж нь бусад төрлийн халаагчаас илүү хэмнэлттэй гэдэг нь харагдаж байлаа. Хятад айлын дулааны зардал жилдээ дундажаар 1438 юань байдаг. (Өнөөдрийн ханшаар бол 542126 төгрөг). Энэ тоо танд бага юм шиг санагдаж байгаа байх. Тэнд чинь дулаан орон шүү дээ. Гэвч энэ бол бас л зардал. Хэмнэлтийг үнэн зөв ойлгохын тулд халаалтын төхөөрөмжүүдийг ажиллуулж байгаа түүхи