Mizo Bible KJV analisi dell'app per 19 gennaio

MIZO KING JAMES BIBLE APPS. THUHMA Pathian khawngaihna leh malsawmna avangin Bible bu chi dang, mobile phone a dah luh theih leh chhiar theih chiin Mizo King James Bible chu peih a lo ni ta reng mai. A duh apiangten a free in an mobile-ah an dah lut ang a, an kalna apiangah an mobile phone hmangin he King James Bible hi inkhawmna hmunah emaw, ramhnuaiah te leh khawi ilo kal chhuahna apiangah an keng zel thei tawh dawn a ni a. Hetiang buatsaih thei tura Pathian khawngaihna ka chang hi a lawmawm hle mai. King James (Old) leh New King James Version behchhana Mizo Bible buatsaih hna hi a namai lo hle mai a. Hman laia Europe rama letlingtu hmasate tuar ang thihna leh martarna êm chu kan tuar ve lo ve; a kawng erawh chu a lo bumboh zia a taka dai chhuah a ngai ve hle mai. He Bible Apps buatsaihnaa sensote chu Australia rama Melbourne khawpui, Victoria Mizo Kohhran (VMK) ten sum lama min rawn tumsak (sponsor) a, chuvangin a duh apiangte tan he Bible Apps hi a free a hman theih turin kan siam theih phah a, anni VMK chungah pawh lawmthu ka sawi a ni. He Bible project hi a bul aṭanga a tawp thlengin, mite kuta a awm hnu thleng pawhin Lalpa Pathianin a Thlarauvin nunga a awmpui zel chauhvin Pathian thu nung leh mite nun khawih danglam theitu a ni dawn a; chutiang tur chuan he Bible Apps – Mizo King James Bible hi Lalpa ropui nan leh a Lalram zau zel nan kan hlan a ni. Upa Dr P.C. Biaksiama, Translator & Publisher for Christian Research Centre Production Ltd, Kanan Veng, Aizawl. 2021 Edition.Kum 2010 a Thuthlung Thar, Sam leh Thufingte English Bible nen a parallel a kan chhuah aṭang khan tun, 2021 edition thleng hian vawi nga lai kan chhuahna a lo ni ve ta reng mai. 2010 leh 2011 ah te, 2015-ah Bible pum Parallel-in kan chhuah a; 2017-ah Mizo hlangin chhuah a ni leh a; 2021-ah chuan Bible Apps hmangin a lo chhuak thei ta a. Kum 11 chhung hian vawi li lai he Bible hian ennawnna a lo paltlang tawh a; ulukna hian chin tawk a neih loh avang leh Mizo ṭawng ziah dan chi thar te a lo chhuah ṭhin avangin ennawn apiangin siamṭhat zeuh zeuh a ngai ziah bawk a. Tun tum edition pawh hian 2017-a mi kha hmun ṭhenkhatah chuan ennawnna hnuhma a lang zeuh zeuh dawn a; lehlinna thumal leh ṭawngkam thlak danglam zeuh te pawh a awm thei a; he Bible ngainatute leh chîk taka lo chhiartuten in lo hriatthiamna ka ngen a ni. Kum sawm hmêl hmu chauh, Bible naupang tak a la nih avangin loh theih loh a ni ve bawk; a aia kum tam taka upa zawk te pawhin ennawna tihdanglam an la tawk ve fo tho a ni. He Bible Apps buatsaihnaa sensote chu Australia rama Melbourne khawpui, Victoria Mizo Kohhran (VMK) ten sum lama min rawn tumsak (sponsor) a, chuvangin a duh apiangte tan he Bible Apps hi a free a hman theih turin kan siam theih phah a, anni VMK chungah pawh lawmthu ka sawi a ni. He Bible project hi a bul aṭanga a tawp thlengin, mite kuta a awm hnu thleng pawhin Lalpa Pathianin a Thlarauvin nunga a awmpui zel chauhvin Pathian thu nung leh mite nun khawih danglam theitu a ni dawn a; chutiang tur chuan he Bible Apps – Mizo King James Bible hi Lalpa ropui nan leh a Lalram zau zel nan kan hlan a ni. Upa Dr P.C. Biaksiama, Translator & Publisher for Christian Research Centre Production Ltd, Kanan Veng, Aizawl. 2021 Edition.