VivA-woordeboekapp のアプリ分析 12月7日

Die Viva-woordeboekapp maak dit moontlik vir gebruikers om verskeie woordeboeke en termlyste met een soektog te raadpleeg. Teken aan met jou bestaande VivA-gebruikersnaam, of registreer om ’n nuwe, gratis profiel te skep. Gebruikers kan enige Afrikaanse woord in die soekbalk tik en resultate vind in tientalle bronne, soos VivA se splinternuwe eie woordelys. Die VivA-woordelys is ’n groeiende bron en word gereeld met nuwe inligting opdateer. Ons nooi gebruikers uit om inligting van woorde wat nie in enige van ons bronne opgeneem is nie, aan te stuur. Só kan VivA se taalkundiges en taalpraktisyns saam gesels oor die betrokke woorde, dit bywerk en vir alle taalgebruikers toeganklik maak. Kry elke dag ’n nuwe VivA-taalwenk wat gestoor kan word om later weer na te gaan – toepaslike wenke waarby elke taalgebruiker kan baat vind. Met praktiese voorbeelde en interessante feite oor hoe om Afrikaans beter te gebruik, sal jy elke dag iets nuuts oor die taal leer. VivA se woordeboekapp is veelsydig en gebruikersvriendelik: - Kry inligting uit ’n groot verskeidenheid woordeboeke, termlyste en VivA se woordelys. - Die geskiedenis van vorige soekwoorde word gestoor. - Merk soekwoorde as gunstelinge. - Raadpleeg woordeboeke uit jou gunstelingwoorde en die soekgeskiedenis. - Kry daaglikse taalwenke. - Stoor die taalwenke. - Stuur terugvoer oor ontbrekende woorde in Afrikaans.