ناوی کوردی vs NRT2 Uso e estatísticas

بە بیرمدا هات کە کتێبی (هەڵبژاردەی ناوی کوردی)ی باوکم بکەم بە ئەپڵیکەیشنێک بۆ هەر کوردێک یان هەر کەسێک خاوەنی مۆبایلی زیرەک بێت و لە هەرکوێیەک بێت و دەستی نەگات بە کتێبی ناوی کوردی بۆ ئەوەی ناوێک دیاریبکات بۆ منداڵە تازەبوەکەی یان بۆ هەر مەبەستێکی تر، کە بتوانیت لەناو مۆبایلە زیرەکەکەی دایببەزێنێت و سودمەند بێت لێی. وەک هەموان ئەزانین ئێستا تەکنەلۆژیا بە نزیکەیی لە هەموو بوارەکانی ژیان ئاسان کاریمان بۆ ئەکات و کاریگەریەکانی لە هەموو شوێنێک بەرچاوە. بۆیە پێم باش بوو لەگەڵ ئەم گۆڕانکاریە گەورەیە بڕۆین و لە دەقی چاپەمەنی هەنگاوێک بچینە پێشەوە. هەوڵمانداوە ئەپڵیکەیشنەکە بە شێوەیەکی وا دروست بکەین کە سەردەمیانەو ئاسان بێت بۆ بەکارهێنان و دۆزینەوەی ناوی خوازراو. وە پشت بە خودا لە داهاتوودا هەوڵدەدەین زیاتر پەرە بە ئەپڵیکەیشنەکە بدەین لە ڕووی زیادکردنی ناوەکان و واتاکانیان. هیوادارم جێگای ڕەزامەندیتان بێت.