Kiongozi Mwadventista аналитика приложений для 30 декабря

Kazi ya mchungaji, hasa katika mazingira ya Kanisa lililoko Afrika ni kazi inayomuhitaji Mchungaji kutoa huduma nyingi. Mchungaji hufanya kazi kama mshauri wa ndoa, Mchungaji hufanya kazi kama mwangalizi mkuu wa Kanisa, Mchungaji anaandaa mahubiri mengi ambayo yanachukua muda mwingi (inasemekana hubiri moja zuri linachukua kazi ya masaa sita mpaka masaa kumi na sita, Mchungaji anahudumu kama mlezi wa familia yake mwenyewe, mchungaji anahudumu kama afisa mahusiano wa Kanisa kwa jamii inayomzunguka, mchungaji anapaswa kuwa mfundishaji wa masomo ya Imani za msingi na mafundisho ya unabii, mchungaji anasimama kama mwenyekiti wa vikao vya baraza la Kanisa. Hii kazi inakuwa kubwa zaidi pale mchungaji kama huyo anapokuwa na makanisa mawili au zaidi. Kuna maeneo ambayo nimeona mchungaji akichunga mpaka makanisa ishiriki au zaidi. Katika mazingira kama hayo, si rahisi kwa Mchungaji kutoa semina elekezi kwa kila kiongozi ndani ya Kanisa. Mara nyingi semina hufanyika kwa ujumla na hazizami ndani kwa sababu mchungaji anakuwa anakimbizana na wingi wa huduma anazopaswa kuzitimiza wakati huohuo akiwa na muda mfupi wa kuyatimiza yote hayo. App hii imetengenezwa ili kurahisisha Kazi ya Mchungaji lakini pia kuwarahisishia washiriki kuzitambua huduma zinazofanyika ndani ya Kanisa. App hii hailengi kuondoa kabisa semina zinazopaswa kufanywa na mchungaji. Hata hivyo ni vyema kulitambua hili mapema kuwa: mwelekezaji wa mwisho wa kile kinachopaswa kufanywa na uongozi Kanisani ni Mchungaji wa Kanisa. Semina hizi zinapaswa (endapo kuna hoja) kufafanuliwa na mwenye dhamana ya kuliangalia Kanisa.