Врз основа на многу напишано во последните две децении на тема инфлацијата и нашето однесување кон неја, и воопшто кон економијата и сопствениот стандард на живеење на граѓаните, Капитал бизнис магазин во следни неколку продолженија во своето печатено издание, а повеќе и секојдневно на нашиот веб портал www.kapital.mk ќе се обиде да да прикаже стручно, јасно и без политика во темава, каде грешиме во заклучоците и што практино ни се случува. Се разбира дека консултиравме и многу експерти за монетарни прашања, деловни луѓе, бизнисмени и инвеститори, како и упатени граѓани. Впрочем ова што во повеќе наредни денови ке го читате на медиумите на Капитал не ново. Ова е напишано на илјадници страници во минатите 26 години постоење на овој магазин. Жално е само што нам темите ни се повторуваат додека економијата и државаат одат назад. Тоа е така во разни временски интервали наназад 30 години, и секогаш под влијание на актуелна владејачка струкрура, или во Народната банка на Македонија (НБМ). Македонскиот проблем со инфлацијата и падот на животниот стандард не можете да го барате на полиците во супермакетите или на тезгите на пазарите ...!? Тој проблем едноставно не е таму! Да го барате таму е манипулативен и примитивен пристап. И политички особено манипулативен ... Нашиот проблем не е во цените, туку во производството, интензитетот на работата, работното ангажирање, коруптивниот менталитет, мрзеливоста, немање знаење, што всушност на крај се сведува на мизерната продуктивност. Македонија се соочува со фактот дека драматичен дел од работоспособното население брутално се иселува од економски причини, нефункционирање на институциите, корупцијата, партизацијата, лошите услови на живеење и по градовите и по селата. Тоа значи дека се намалува работата, се намалува куповната моќ (освен кај јавната администрација!!??) следствено се намалуваат и пазарите. Нема кој да произведе. Нема кој да купува. Огромен дел од популацијата е распореден на страната на расходниот дел на Буџетот (враб