نکیال : کشمیر نیوز نیٹورک : سادات ویلفیئر فاؤنڈیشن اور العمل ویلفیئر فاؤنڈیشن کے زیر اہتمام تحصیل فتحپور تھکیالہ کے مختلف علاقوں سے سینکڑوں بیوگان، اور دیگر مستحق خاندانوں میں راشن تقسیم کیا گیا. تقریب کے مہمان خصوصی سابق ایڈمنسٹریٹر میونسپل کمیٹی سید تجمل عتیق تھے جبکہ تقریب میں سید محمود ابرار نکیالوی ،ریٹائرڈ بینکار سید امجد نقوی ،سیکرٹری جنرل تحصیل پریس کلب سید قمر ابرار نکیالوی ،صاحبزادہ اسرار احمد صدیقی ،وقار احمد نکیالوی سمیت دیگر زعماء بھی موجود تھے. جبکہ سید عقیل احمد شاہ، ملک محمد شوکت ،سردار عاصر سعید ،سید مشرف ابرار سمیت دیگرذمہ داران نے تقریب اور تقسیم کے انتظامات کو ترتیب دیا.راشن کیلئے سابق ایڈمنسٹریٹر میونسپل کمیٹی سید تجمل عتیق اور دبئی میں مقیم کاروباری شخصیت سید حسنین کاظمی نے خطیر رقم مہیا کی. اس سے قبل طویل مدت سے روحانی و سماجی شخصیت پیر سید ابرار حسین نکیالوی مرحوم سینکڑوں خاندانوں کی کفالت کا فریضہ سر انجام دیتے رہے. انکی وفات کے بعد سید حسنین کاظمی نے اس سلسلے کو نہ صرف آگے بڑھایا بلکہ تحصیل ھیڈکوارٹر اسپتال میں تھیلیسیمیا سینٹر کے قیام، تھیلیسیمیا سے متاثرہ بچوں میں ہر سال ھزاروں روپے نقد تقسیم اور ششماہی بنیادوں پر امدادی پیکیجز کی تقسیم کا سلسلہ جاری رکھا ہوا ہے.