12月5日的Бебе Готвач ( Bebe Gotvac )应用程序分析

Бебе Готвач е апликација посветена на исхраната на доенчиња и мали деца и е обид за уште еден чекор напред во промоцијата на правилна и здрава исхрана уште од раната детска возраст. Значењето на правилната и здрава исхрана е непроценливо во градењето на здрави деца. Како мајки, тргнавме од сопствените стравови и искуство. Од прашањата “дали ги правам вистинските и правилните чекори”, немањето идеа “што да зготвам утре ”, незнаењето “дали оваа комбинација е во ред” и тн. произлезе идеата за еден ваков Бебе Готвач. Апликацијата Бебе Готвач содржи рецепти поделени по месеци уште од смиот почеток на дохраната од 6 месечна возраст па нагоре. Содржи табели за дохрана поделени по месеци кои ќе ви помогнат во правилно воведување на нови намирници за соодветната возраст на вашето бебе/дете. Сите рецепти и табели за дохрана се собирани од брошури за правилна исхрана на бебиња, готвачи за бебиња, искуства на други мајки и што е најважно се води по препораките од Прирачникот за правилна исхрана на доенчиња и мали деца, кој е издаден од Институтот за Јавно Здравје на РМ и неговата препорака за започнување со исхрана по 6-от месец, дохрана. Апликацијата нуди планер со готови неделни мениа кои ќе ви го олеснат секојдневието и со кои нема да треба да размислувате што да згптвите во денот. Исто така содржи кошничка за намирници со која може да ги обележите намирниците во рецептите кои ви се потребни да ги набавите. Се надеваме дека овој Бебе Готвач ќе ви биде од голема корист. Искрено, Тимот на Facebook групата Здрава храна, здрави деца.