Laska: Разважанні над Бібліяй app analytics for August 19

Laska — гэта прастора для штодзённай медытацыі над Евангеллем дня. Гэта 7 хвілін у дзень для тваёй сустрэчы са Словам, пошуку адказаў і сэнсу. ШТО ТАКОЕ LASKA? Laska — гэта не проста спосаб паслухаць разважанні над Евангеллем дня. Медытацыі дапамагаюць засяродзіцца, паказваюць адзін з аспектаў таго, пра што кажа Божае Слова, і ставяць пытанні, якія непасрэдна датычацца жыцця карыстальніка. Сутнасць ідэі ў тым, каб карыстальнік убачыў сябе ў гэтым Слове і не быў толькі пасіўным слухачом. АЎТАРЫ РАЗВАЖАННЯЎ Кожнае разважанне з'яўляецца плёнам супрацы каталіцкіх святароў і прафесійных рэдактараў. Святары ствараюць фокус медытацыі, рэдактары «шліфуюць» тэксты, а дыктары надаюць ім фінальнае гучанне. Laska супрацоўнічае з некалькімі дзясяткамі святароў з усіх дыяцэзій Беларусі. ТЭКСТ І АЎДЫЯ Laska прапануе штодзённыя разважанні над Евангеллем дня ў тэкставай і аўдыяверсіях. Аўдыямедытацыю можна слухаць у фонавым рэжыме. Інтэрфейс мабільнай праграмы створаны такім чынам, што карыстальнік можа адначасова слухаць аўдыя і чытаць тэкст разважання. КОРАТКА І ПРОСТА Laska — гэта 7 хвілін разважанняў штодня. Просты інтэрфейс дазваляе пачаць малітву ў два клікі. Самае важнае — засяродзіцца на гэтыя 7 хвілін і адкласці ўсе справы і клопаты ў бок. ГІСТОРЫЯ РАЗВАЖАННЯЎ Наша мабільная праграма дазваляе праглядаць разважанні за апошнія 7 дзён і на 7 дзён наперад. Проста свайпайце ўлева або ўправа! РЭЖЫМЫ ЧЫТАННЯ Laska прапануе светлы і цёмны рэжымы чытання. Таксама на экране тэкставай версіі разважання над Евангеллем дня можна выбраць зручны памер шрыфту. Мы рады, што цябе зацікавіла Laska. У добры шлях!