كركبة: ألعاب جماعية بدون نت app analytics for November 2

كركبة تحوّل أي سهرة لضحك وحماس! ألعاب جماعية للشلة والعائلة، كلها على جوال واحد يتمرّر بينكم، وتشتغل بدون نت. القنبلة تطلع فئة، وكل واحد يقول جواب ويمرّر الجوال بسرعة… القنبلة تنفجر بوقت سري، واللي تنفجر معه يخسر قلب! المحتال كل واحد يقول كلمة وحدة تلمّح للكلمة السرية، والمحتال يحاول يندس بينكم بدون ما ينكشف. مين برا؟ الكل يعرف الكلمة السرية إلا واحد. اسألوا بعض بالدور، ناقشوا، وصوّتوا: مين برا السالفة؟ المؤقت كل واحد يشوف الرقم السري إلا المحتال. بالدور كل واحد يوقّف المؤقت على الرقم بدون ما يشوفه… ومين وقّف بعيد؟ يمكن هو المحتال! لو خيروك لفّ العجلة، واللي توقف عليه يختار بين شيئين… والشلة تسأله: ليش؟ مافيا واحد منكم الراوي، والباقين ياخذون أدوارهم بالسر: مافيا، محقق، دكتور ومواطنين. بالليل المافيا تتحرك، وبالنهار المدينة تتناقش وتصوّت. مين بيكشف المافيا قبل لا تكسب؟ غمزة واحد منكم القاتل، ويقتل بغمزة! اللي يشوف الغمزة يموت بصمت. شكّيتوا بأحد؟ اثنين أو أكثر يأشّرون عليه مع بعض، وإذا غلطتوا تطلعون! الأوامر العجلة تختار… وأنت تنفّذ! أوامر مضحكة تخلّي الكل يضحك، ولا تقدر تهرب منها. جوالك على راسك حط الجوال على جبهتك والشلة تشرح لك الكلمة أو تمثّلها. نزّل الجوال إذا عرفتها، وارفعه إذا تبي تعدّي! صدق ولا كذب احكِ ٣ قصص عن نفسك: ثنتين صدق ووحدة كذب. الشلة تصوّت… مين بيكشف الكذبة؟ ممنوع تقول فريق ضد فريق: اشرح الكلمة لفريقك بدون ما تقول الكلمات الممنوعة، والفريق الثاني يراقبك! مين فينا؟ «مين فينا أكثر واحد ينسى جواله؟» على ٣ الكل يأشّر… وآخر السهرة نشوف نجم الليلة. اسم حيوان جماد اللعبة اللي كلنا لعبناها على الورق! الجوال يطلّع حرف عشوائي، واكتبوا اسم وحيوان ونبات وجماد وبلاد بنفس الحرف قبل ما يخلص الوقت. أول واحد يخلّص يقول ستوب! جاوب غلط الجوال يعطيك سؤال سهل… بس ممنوع تقول الجواب الصح! عندك ثواني بس عشان تجاوب غلط، وإذا قلت الصح أو خلص الوقت تطلع من اللعبة. ليش كركبة؟ • ألعاب تخمين وكلمات وأسئلة وتحديات تضحّك الكل • من ٢ إلى ١٦ لاعب، تناسب الشلة والعائلة • لعبة اليوم: كل مرة تفتحون التطبيق تطلع لكم لعبة مختارة • اختاروا كم واحد أنتم وتعرفون الألعاب اللي تناسبكم • آلاف الكلمات والأسئلة والأوامر، وما تتكرر لين تخلص • تحددون بنفسكم وقت الجولة وعدد القلوب ووقت النقاش • لكل لعبة «كيف نلعب؟» بخطوات بسيطة • تصميم عربي مرح من أوله لآخره، على الآيفون والآيباد • بدون نت، بدون حسابات، بدون إعلانات، وبدون جمع أي بيانات جهّزوا الجوال… وخلّوها كركبة!