قطارات مصر - مواعيد ووصل فين app analytics for November 3

القطر بيوصل الساعة كام؟ ووصل فين دلوقتي؟ تطبيق قطارات مصر بيجاوب على السؤالين في ثانيتين. اختار محطة القيام ومحطة الوصول، وهتشوف كل الرحلات بمواعيدها وأسعار تذاكرها، وتتابع القطار على الخريطة لحظة بلحظة. تطبيق مستقل وغير تابع للهيئة القومية لسكك حديد مصر. المواعيد والأسعار من المصادر الرسمية المعلنة (enr.gov.eg). جديد: المترو والمونوريل والـLRT مواعيد مترو الأنفاق بخطوطه التلاتة، ومونوريل شرق النيل، والقطار الكهربائي الخفيف LRT. وتقدر تخطط رحلة كاملة قطار + مترو، بالتبديلات والمشي بين المحطات وسعر التذكرة. مميزات مش هتلاقيها في تطبيقات تانية القطار لايف على الخريطة الركاب اللي على القطار بيشاركوا مكانه الحقيقي، تلقائي أو يدوي، فتعرف وصل فين ومتأخر قد إيه من غير تخمين. سجل تأخير كل قطار اعرف القطار بيتأخر قد إيه عادةً، وشوف الميعاد الأصلي والميعاد المتوقع بعد التأخير جنب بعض. رقم الرصيف لكل محطة اعرف القطار هيقف على رصيف كام قبل ما توصل المحطة، من بلاغات الركاب. تنبيه قبل محطتك إشعار لما القطار يقرب من محطة نزولك، وإشعار بالتأخير. مسار الرحلة كامل كل المحطات من أول الرحلة لآخرها بمواعيد القيام والوصول، على خط زمني بيوضح القطار وصل لحد فين. استعلام عن الأماكن المتاحة اعرف الأماكن المتاحة في كل درجة قبل ما تحجز. شات لكل قطار مساحة لركاب نفس القطار يشاركوا التأخيرات والمستجدات. استعلام عن المواعيد والأسعار ابحث بين أي محطتين أو برقم القطار، أو بصوتك. وفلتر بالدرجة ونوع القطار ووقت القيام، وشوف سعر التذكرة لكل درجة. أسئلة شائعة مواعيد القطارات محدَّثة إزاي؟ من المصادر الرسمية المعلنة، وبتتحدث فور صدور أي تعديل، بما فيها الرحلات الإضافية في المواسم والأعياد. التطبيق بيعمل حجز تذاكر؟ لأ. التطبيق للاستعلام والتتبع. الحجز من التطبيق الرسمي للهيئة القومية لسكك حديد مصر. التطبيق بيشتغل بدون نت؟ المواعيد المحفوظة شغّالة بدون إنترنت. التتبع اللحظي ومشاركات الركاب محتاجة اتصال. فيه قطارات الضواحي؟ أيوه، مع كل أنواع ودرجات قطارات السكة الحديد. الرحلات الأكثر بحثًا مواعيد قطارات القاهرة الإسكندرية، القاهرة أسوان، القاهرة الأقصر، القاهرة أسيوط، القاهرة سوهاج، القاهرة المنيا، القاهرة قنا، القاهرة بني سويف، القاهرة الفيوم، القاهرة بورسعيد، القاهرة دمياط، القاهرة مرسى مطروح، القاهرة الزقازيق، القاهرة المنصورة، طنطا القاهرة، طنطا الإسكندرية، بنها القاهرة، دمنهور الإسكندرية، كفر الشيخ طنطا، الإسكندرية أسوان، الإسكندرية الأقصر. المحطات أكتر من 600 محطة سكة حديد في كل محافظات مصر، منها رمسيس القاهرة، الجيزة، بنها، طنطا، دمنهور، سيدي جابر، الزقازيق، المنصورة، دمياط، بورسعيد، الإسماعيلية، السويس، بني سويف، الفيوم، المنيا، أسيوط، سوهاج، قنا، الأقصر، أسوان، مرسى مطروح، العلمين. ومحطات المترو والمونوريل والـLRT كلها. أنواع القطارات تحيا مصر، تالجو، أبو الهول، VIP، مكيف، قطارات النوم، روسي، روسي مكيف، إسباني، فرنساوي، الضواحي، مميز، محسَّن، مختلط. عربي وإنجليزي، ووضع ليلي، ونظام 12 أو 24 ساعة، وحفظ القطارات المفضلة. إخلاء مسؤولية التطبيق جهد فردي وغير تابع لأي جهة حكومية، ولا يمثّل الهيئة القومية لسكك حديد مصر. البيانات مجموعة من مصادر رسمية معلنة، وقد تحدث أخطاء غير مقصودة. المصادر: موقع وزارة النقل، وموقع الهيئة القومية لسكك حديد مصر (enr.gov.eg)، والصفحات الرسمية للجهتين. egypttrains.com