Arab tilini o‘rganaman のアプリ分析 9月28日

Assalomu alaykum hurmatli ilovamiz foydalanuvchilari! www.arabic.uz veb sayti xodimlari tomonidan tayyorlangan ushbu ilova arab tili qiziquvchilari uchun ajoyib tuhfa bo‘lib, u bir nechta arab tilini o‘rgatuvchi kitoblardan iborat. Jumladan ular, «Muallimi soniy», «Tartil», «Tasrif», «Janohut tolib» va «Arab tili darsligi» kitoblaridan tashkil topgan. Ilovaning yana bir yutug‘i shundaki, unda har bir kitob bo‘yicha testlar berilgan. Albatta, bu o‘rganilgan bilimlarni mustahkamlash uchun juda foydalidir. Qur’oni Karimni o‘rganish uchun asosiy manbalardan bo‘lgan «Muallimi soniy» va «Tartil» kitoblarida suratli va ovozli shakldagi ma’lumotlar ham berilgani o‘quvchi uchun o‘rganishni osonlashtiradi. Shuningdek, arab tili lug‘atlari ham ovozli shaklda berilgan. Bu ham yod olish va talaffuz uchun samarali vositadir. Android tizimli qurilmalarga moslangan ushbu kitob ommaga mo‘ljallangan bo‘lib, maktab yoshidagi boshlang‘ich tolibi ilmlarga ham, ulug‘ yoshdagi mustaqil o‘rganuvchi kishilarga ham arab tilini o‘zlashtirishda inshaalloh xizmat qiladi. Ilova ikki qismga: Nazariy va amaliyga bo‘linadi. Inshaalloh kelgusida boshqa arab tiliga oid kitoblarni ham tayyorlash rejamiz bor. Alloh O‘zi muvaffaq qilsin!