خرائط المقناص app analytics for October 26

خرائط المقناص — أماكنك، إرشاد بلهجتك، وكل اللي يحتاجه المقناص في البر والمدينة. تطبيق ملاحة خليجي يحفظ أماكنك ويوصلك لها بإرشاد صوتي طبيعي باللهجة الخليجية، ومعه أدوات البر: الأثر، الخرائط بدون نت، المحميات ومناطق الدرون، سماء البر، والإنقاذ. الملاحة والأماكن • احفظ أماكنك: البيت، الدوام، العزبة، المخيم، الرادارات — وتوصل لها بضغطة، مع عدد زياراتك لكل مكان. • إرشاد صوتي خليجي: «بعد ثلاث مية متر لف يمين»، والدوارات بالمخرج الصحيح، وإعادة حساب المسار لو فاتك مطلع. وتقدر تعدّل العبارات على كيفك. • ابحث بالاسم، أو الصق إحداثيات أو رابط قوقل ماب، ويبدأ الإرشاد مباشرة. • تذكير مربوط بالمكان: «خذ الأوراق» يوصلك أول ما تمر من البيت. • أرسل أي موقع لربعك كرابط يفتح عندهم مباشرة. • أيقونة البيت: ضغطة وحدة وتوصل. • موقف السيارة: يحفظ وين وقفت ويرجّعك لها. البر • الأثر: سجّل طريقك في البر وارجع بنفس الطريق بالضبط، حتى بالليل أو بدون شبكة. آثارك تنحفظ في حسابك وتلقاها على كل أجهزتك، وأرسلها لصاحبك برقم عضويته، وتقدر تخلّيها كلها مرسومة على الخريطة دائماً. • وضع البر: لو ما فيه طريق تحتك يوجّهك بخط مستقيم للوجهة بالاتجاه والمسافة، ويرجع لإرشاد الشوارع تلقائياً لما يلقى طريقاً. • خرائط بدون نت: حمّل صور الأقمار الصناعية لمنطقتك مرة وحدة، ولما ينقطع النت تطلع تلقائياً على الجوال وشاشة السيارة. • المحميات الطبيعية في قطر والسعودية والإمارات، ومناطق تطيير الدرون المسموحة في قطر، على الخريطة مع تنبيه عند الدخول (تفعّلها من الإعدادات). • تنبيه «30 م من الشاطئ»: من سيلين إلى خور العديد شريط أحمر على الساحل وتحذير لو قربت من الماء أقل من 30 م — على الجوال وشاشة السيارة (تقديري، تفعّله من الإعدادات). • سماء البر: وجّه جوالك للسماء تطلع لك النجوم بأسمائها العربية والكواكب والقمر، والجدي يدلّك على الشمال وسهيل على الجنوب والقبلة على الأفق — بدون نت. • اتجاه القبلة: مؤشر صغير فوق الخريطة يدلّك على القبلة وين ما كنت. • منازل النجوم والمواسم: نجم اليوم وموسمه وكم باقي عليه حسب تقويم العجيري. • إنقاذ وفزعة: شارك موقعك برسالة جاهزة فيها الإحداثيات ورابط الخريطة، واتصل بالطوارئ 999 أو فرق الإنقاذ التطوعية بضغطة. الطقس والصلاة • رادار الأمطار والغيوم من الأقمار الصناعية على الخريطة مع شريط زمني للساعات الماضية والتوقع القادم، وتنبيه «حولك مطر» (للمشتركين). البيانات في الخليج تقدير بالأقمار الصناعية. • طقس الأسبوع على الخريطة وفي شاشة السيارة. • أوقات الصلاة: تذكير بالصلاة الجاية وأنت تسوق، ودعاء الركوب أول ما تشبك السيارة. ربعي والسيارة • أسماء البر: أكثر من 2,800 اسم رسمي للروض والأودية والدحول والآبار والتلال والقلاع من مركز نظم المعلومات الجغرافية في قطر، تطلع على الخريطة حسب التكبير وتبحث عنها بدون نت. • ربعي على الخريطة: شارك موقعك مع من تختار بعد موافقة الطرفين، لمدة طلعة أو حتى توقفها — لحظياً كل 15 ثانية وأنتم تتحركون، وربعك المحفوظون بضغطة وحدة. وعلى شاشة السيارة تشوفهم على الخريطة وتوجّه لهم بضغطة. • شاشة السيارة CarPlay: الخريطة والإرشاد وأماكنك (مربعات) والبحث عن الأماكن وربعك على الخريطة وطقس الأسبوع والمطر والغيوم والصلاة الجاية على شاشة سيارتك، وتسجيل الأثر وإضافة مكان من الشاشة نفسها. • ويدجت «نظرة» على الشاشة الرئيسية: الطقس، المطر حولك، وأقرب مكان محفوظ. حسابك خاص فيك: الدخول بحساب Apple اختياري، وأماكنك وإعداداتك تنحفظ في حسابك أنت بس، وتقدر تحذف الحساب وكل بياناته متى ما تبي. كل المميزات تشتغل بدون حساب ما عدا المزامنة وربعي. الصوت الخليجي الطبيعي ورادار الأمطار ميزة باشتراك (شهري، أو «موسم البر» 6 أشهر، أو سنوي) مع تجربة 7 أيام مجاناً عبر App Store لو كنت مؤهلاً. باقي الميزات مجانية، والإرشاد بصوت الجهاز يشتغل دائماً. ملاحظة: الإرشاد مساعدة فقط — السلامة والالتزام بأنظمة المرور مسؤوليتك. الاشتراك: الصوت الخليجي ورادار الأمطار — شهري 4.99$ أو موسم البر (6 أشهر) 14.99$ أو سنوي 29.99$، يتجدد تلقائياً ما لم يُلغَ قبل 24 ساعة من نهاية الفترة، ويُدار من إعدادات Apple ID. شروط الاستخدام (EULA): https://www.apple.com/legal/internet-services/itunes/dev/stdeula/ سياسة الخصوصية: https://qnative.qa/map/privacy.html شروطنا: https://qnative.qa/map/terms.html