Devanagari Version श्रीमद्वाग्भटविरचितम् अष्टाङ्गहृदयम् श्रीमदरुणदत्तविरचितया ‘सर्वाङ्गसुन्दराख्या’ व्याख्यया हेमाद्रिप्रणीतया ‘आयुर्वेदरसायनाह्वया’ टीकया च समुल्लसितम् सूत्रस्थानम् – ३. ऋतुचर्याध्यायः सन्धिविच्छेदेन मूलश्लोकः / moola śloka with sandhiviccheda अथात ऋतुचर्याध्यायं व्याख्यास्यामः|इति ह स्माहुरात्रेयादयो महर्षयः|(गद्यसूत्रे|२| अथ अतः ऋतुचर्या-अध्यायं व्याख्यास्यामः|इति ह स्म आहुः आत्रेय-आदयः महर्षयः|   मासैर्द्विसंख्यैर्माघाद्यैः क्रमात् षडृतवः स्मृताः|शिशिरोऽथ वसन्तश्च ग्रीष्मो वर्षाशरद्धिमाः||१||शिशिराद्यास्त्रिभिस्तैस्तु विद्यादयनमुत्तरम्|आदानं च, तदादत्ते नृणां प्रतिदिनं बलम्||२|| मासैः द्विः संख्यैः र्माघ-आद्यैः क्रमात् षट्-ऋतवः स्मृताः|शिशिरः अथ वसन्तः च ग्रीष्मः वर्षा-शरत् हिमाः||शिशिर-आद्याः त्रिभिः तैः तु विद्यात् अयनम्  उत्तरम्|आदानं च, तत्  आदत्ते नृणां प्रति-दिनं बलम्||   तस्मिन् ह्यत्यर्थतीक्ष्णोष्णरूक्षा मार्गस्वभावतः|आदित्यपवनाः सौम्यान् क्षपयन्ति गुणान् भुवः||३||तिक्तः कषायः कटुको बलिनोऽत्र रसाः क्रमात्|तस्मादादानमाग्नेयम्—————————|४|   ——————————————–|————————ऋतवो दक्षिणायनम्||४||वर्षादयो विसर्गश्च———————–|   […]