10月24日 的 五行仙途‧香江修仙錄 應用程式分析

三百年前，血煞魔尊一夜之間屠盡九龍十八條村。五位真人以金、木、水、火、土五塊「五行鎮石」，將佢封印喺魔鬼山地底。 三百年後，香江太平，漁火點點。 你係大澳漁村長大嘅孤兒，某日出海，撈起咗一嚿發光嘅石頭—— 《五行仙途‧香江修仙錄》係一隻以香港做舞台嘅單機修仙 RPG。所有地方都係你熟悉嘅香港：大澳棚屋、大埔墟、林村許願樹、元朗圍村、屏山古墓、九龍城寨、廟街、雀仔街、中環石板街、文武廟、長洲搶包山、西貢海岸、沙田車公廟、鯉魚門……全部對白都係地道廣東話。 【浮生與大乘新篇】 ・全新主線「浮生劫」：從大澳一盞風燈出發，走過親情、抉擇與失去；開新遊戲可選新劇情或經典劇情，舊存檔保留原有進度 ・11 幅全新劇情畫卷，將旁觀過嘅人生記入「浮生錄」 ・大乘篇「雷劫‧幽冥」：渡九重天雷、闖地府，結識三位新同伴，喺閻羅殿作出抉擇 ・「黃粱夢境」重訪昔日選擇，面對隨抉擇變化嘅敵人；修煉上限提升至大乘圓滿，滿級後繼續累積道行 【香港情懷】 ・逾百個場景，由漁村、街市、茶樓、當舖，到城寨地底同魔鬼山 ・得月茶樓飲茶、雀仔街聽雀、廟街求籤、天后誕、太平清醮 ・菠蘿包、絲襪奶茶、雞蛋仔、咖喱魚蛋、艇仔粥，食得落肚都有效 【修仙之路】 ・輸入生辰，決定你嘅日主五行同本命天賦 ・拜入六大宗門：獅子山劍宗、大帽山丹鼎宗、鳳凰山太陰宮、馬鞍山萬毒谷、太平山天機閣、魔鬼山血煞宗 ・境界突破、閉關修煉、內功心法、秘笈武學 ・金木水火土相生相剋，揀啱屬性事半功倍 【回合制網格戰鬥】 ・高台、障礙、背擊、側擊，講究站位同策略 ・首領戰有專屬戰場佈陣 ・九款衣甲 × 十五類兵器，每套都有獨立造型同招式 【江湖自由行】 ・多位可招募隊友，各有故事同好感度 ・數十個主線同支線任務，唔少有多個結局揀法 ・打聽秘聞、拆穿細作、切磋指點、懸紅榜、擊鼓鳴冤 ・正邪善惡由你揀，多個結局同二周目 ・釣魚、鬥蟋蟀、打麻雀、煮食等小遊戲（純娛樂，唔涉及任何押注） 一次買斷，冇廣告、冇內購；唔使上網都玩得，進度自動保存喺部機。 聯絡：Dragon@jimbookdragon.hk